[**عيون المها**]

في الحقيقه والواقع .. المقارنه ثقيله على جبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع

- مهند -


يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :



( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )



- شباب الخليج -



يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :



( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )



.
.



- مهند -



نور حامل .. يا الله على الدلع ! خايف عليها من نسمة الهوا .. ويقولها :



( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )



- شباب الخليج -



مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :



( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )



.
.



- مهند -



مهند طالع مع نور السوق .. يشترون لهم ملابس.. ودار الحوار التالي :



نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !



- شباب الخليج -


الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..



وكل اللي قاله ( بسرعه خلصي .. ابي ألحق على ديوانية الربع ) !



.
.



- مهند -


قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها



( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )



- شباب الخليج -


قام من النوم نص الليل .. ما شاف زوجته يمه .. فتح الليتات .. قام يصارخ :



( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )



.
.



- مهند -


قاعد يقرا كتاب .. وفجاه ياته نور .. لابسه فستان يديد .. وصار هالحوار ..



نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..



- شباب الخليج -


قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :



الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!



.
.
.



طبعا الفروق لو بقعد من الصبح للحين .. ما بخلص ..
لان 180 درجه فرق .. ولكن شنسوي .. الله كاتب لنا ان نجابل شبابنا
ونحتسب الاجر عند الله ..



الله يآجركم يا بنات الخليج ..
صدقوني .. كله اجر وثواب ..

الله يعيينا والله على جذي ماكو هالمشااعر كلها لييش ماادري شنو احسن منكم هالمهند

سوو مثله بس مو بالجذب عاد

تحياتي:
عيون المها

[نقــــــــــاء]

اقتباس : المشاركة الأصلية كتبت بواسطة **عيون المها** [ مشاهدة المشاركة ]

- مهند - مهند طالع مع نور السوق .. يشترون لهم ملابس.. ودار الحوار التالي : نور : حبيبي .. شو رايك بالفستان الاحمر .. حلو مو ؟! مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان ! نور ( مستحيه ) : بحبـــــــــــك .. دخيلك منين جايب كل هالغزل هااد ؟ مهند : دخيلك انتي ! تؤبرنـــي ابتسامتييك شو حلوه ! - شباب الخليج - الخليجي طالع مع زوجته السوق .. ما دار بينهم حوار .. ليش ؟! لان اهو يمشي قدام .. وهي وراه تركض .. وكل اللي قاله ( بسرعه خلصي .. ابي ألحق على ديوانية الربع ) ! . .

و عيونه بس يمين يسار اذا وقف جنبك
مو فاضي يشاركك بالإختيار
يبحث عن مشكله :sm50:
خخخخخخخخ ذبحتيني ضحك عيون المها
يسعدك ربي

[**عيون المها**]

يسلمو على مرورج قلبي

[bahrainia cool]

هههههههههه
صدقــــتي والله
كح
تسلمين خيتوو
يعطيج ربي ألف عافيهـ
والله لايحرمنا منج

[**عيون المها**]

يسلمو حبوبه على مرورج

[ألعنا]

اختي الحبيبة
اولا لا اعقد ان هناك مقارنة بين حياة الواقع والدراما التلفزيونية اللتي تتطلب من مهند تقمص تلك الشخصية خلا مدة تسجيل مقطع لايتجاوز الدقاءق ويخرج من خلف البلاتوه متقمص تلك الشخصية وبالة رايق وعقدة المبرم مع المنتج يزغلل العيون ومستعد لتقمص لشخصية في مقطع اخر او مسلسل اخر بدور تمقتيه انتي قبل الشباب

سيدتي ليس الواقع كالخيال وليس الدور اللتي تقتضية ظروف الحياة كالدور المكتوب على ورقة ومطلوب من مؤدية باتقان الدور والا فلا اهميه لمهند وسوف ينقطع عيشة
اختي قليل من الواقعية عند المقارنة
هاتي مثال من الحياة العامة واكون لكي من المؤيدين

نرجع للحقيقة قليلا صدقين اختي هناك من ابناء الخليج وبنسبة تسعون بالمائة يجيدون ويتقنون الرومنسية وتبادل الحب الصادق وليس المؤدلج لكن هناك عدة عوامل يشترك فيها الجنسين
هناك اشياء ينبغي للشاب ان يتعود على ممارستها او يدرب نفسه عليها وهي ماتحدث كثير من الاشكالات بنفسية الشاب وهي الدخول الى عتبة المنزل وهي يحمل هموم الموقف والعمل والشارع اللتي واجهة الى دخل المنزل وهذه مشكلة وصعب من يجيدها من عنصر الرجال ايا كانت جنسيته حتى لو كان يموت بحبيته وطموحاته واحلامه واماله لها دور كبير ومن يستطيع ان يعايشه او يعيشة ويخرجة من هكذا حالات نصفة الثاني في محاولة موازنة الاوضاع مع ظروف الحياة
وايضا الدورينطوي عليك حواء في كيفية مقابلة الحبيب وسحب الابتسامة منه حتى يتعود على الابتسامة انسياقيا وليس املاء
انقاش مع الحبيب بكل صراحة وجدية من اول ايامهما وليس ترك ذالك للظروف والمواقف
اتدرين مالمشكلة في حبيباتنا بنات العز والمعزة بنات الخليج ان ان التعامل وقتي وقلة الثقافة الجنسية وكذالك اللباقة بالحوار والاتيكيت
واخا تغضبي علي من خاتمتي
من مثل متداول وعميق على السنة الاجداد يقول عنز البلد تحب التيس الغريب؟؟؟؟؟؟؟
فقليل من اواقعية والصدق مع الذات قبل الاخر توصل للغاية بشرط اتباع الوسلة الصح احبكم بنات الخليج

[نسيته]

مرحبا عيون المها

انا عندي بس كلمتين ابي اقولها

اتا حبيبتي سعوديه ولا يمكن في يوم من الايام اسوي مقارنه بينها وبين اي وحده في العالم لأتي اشوفها ملكة جمال الكون

ثانيا مثل ما قال اخوي العنا فيه فرق بين حياة الدراما والحياه العاديه تبي تشوفي الاتراك كيف وتعومتهم روحي محل سمكره وادهان والا محل شاورما
ليش شفتي مهند ويحي وعمر وتركتي الصبايا اللي في المسلسل ؟؟؟
يعني لو الواحد يبي يتكلم كان طلع بنات الخليج شو؟؟؟
انا اشوف بنات الخليج احلى بنات في العالم واحلاهم على الاطلاق حبيبتي

صدقيني لا مهند ولا غيره يساوون ظفر واحد من الخليج ع الاقل شبابنا مسلمين مو دعة للزنا الفجور واعتقد انكم فاهمين كلامي


شاكر لكي رأيك في الشباب الخليجي ومعتذرا على الاطاله